Um mig 

​

Eva Rós Sigurðardóttir

 

 

Ég lærði heilsunudd í Heilbrigðisskólanum í Fjölbrautarskólanum við Ármúla.

Verklegt nám fór fram í Nuddskóla Íslands frá hausti 2006 fram á vor 2008

og hef ég verið að nudda alveg síðan þá. Þar lærði ég klassískt nudd, svæðanudd,

sogæðanudd, vefjalosun, triggerpunkta, shiatzhu nudd, heildrænt nudd, íþróttanudd

og kinesology (hreyfifræði). Í náminu lærði ég einnig ilmolíufræði sem ég hef mikið notað

bæði í vinnu og daglegu lífi. 

2014-2016 stundaði ég nám í kínverskri læknisfræði og nálastungum með kynningu á grasalækningum

í Skóla hinna fjögurra árstíða og hef boðið upp á nálastungur frá og með haustinu 2016.

 

Ég hef tekið nokkur námskeið til viðbótar bæði í nuddi og nálastungum eftir að ég lauk námi til þess að dýpka þekkingu mína og læra fjölbreyttar aðferðir. 

​

Ég hef að auki farið á námskeið í meðferðardáleiðslu, access bars og reiki, en býð þó ekki upp á tíma sérstaklega í þær meðferðir eins og er. 

​

Ég hef alltaf haft áhuga á nuddi og nuddaði oft mína nánustu áður en ég vissi að þetta væri það sem mig langaði að læra og vinna við. Svo byrjaði ég loks í bóklega náminu 22 ára gömul eftir að hafa prófað ýmislegt annað og þá var ekki aftur snúið. 
Á mínum árum sem heilsunuddari eykst áhugi minn sífellt á því hvernig líkaminn virkar og alla áhrifaþættir á heilsu okkar og samspil huga og líkama vekur sérstakan áhuga hjá mér. 
Þegar ég byrjaði svo í nálastungunáminu og lærði kínverskri læknisfræði opnaðist nýr heimur fyrir mér og öðlaðist ég þar betri skilning á mörgu sem ég hef velt mér uppúr í gegnum tíðina. Ég er afar þakklát því að vera að vinna við það sem ég hef áhuga á. 
Mitt markmið með minni vinnu er að hjálpa fólki að komast í betra jafnvægi, bæði andlega og líkamlega - því það fylgist svo sannarlega að.